Cameron Diaz og Benji Madden gengu í það heilaga í seinasta mánuði og fóru svo í látlausa brúðkaupsferð til Wyoming, þar skelltu þau sér á skíði. Lítið hefur sést til skötuhjúanna eftir að þau giftu sig en á mánudaginn sást til þeirra í Beverly Hills.
Hjónin fengu sér hádegisverð á Four Seasons-hótelinu og hittu svo Joel Madden, bróður Benjis, og eiginkonu hans, Nicole Richie.
Diaz og Madden gerðu sitt allra besta til að láta lítið fyrir sér fara og fóru inn um bakdyrnar, samkvæmt heimildum E! News.
Hvorugt þeirra hefur tjáð sig opinberlega um brúðkaupið né deilt myndum frá stóra deginum.