Frakkinn Alexandre Desplat sem á dögunum skaut Jóhanni Jóhannssyni ref fyrir rass og hlaut Óskarsverðlaunin fyrir bestu kvikmyndatónlist ársins átti ekki von á verðlaununum, þrátt fyrir að vera tilnefndur fyrir tónlist í tveimur kvikmyndum.

„Þar sem ég var tilnefndur fyrir tvær kvikmyndir, Imitation Game og Grand Budapest, hélt ég að atkvæðin myndu dreifast á báðar og ég stæði tómhentur eftir. En ég fékk Óskarinn og það er hreint út sagt dásamlegt.“ Verðlaunin hlaut hann fyrir síðarnefndu myndina, The Grand Budapest Hotel.

Jóhann var tilnefndur fyrir tónlistina í kvikmyndinni The Theory of Everything en hann vann Golden Globe-verðlaunin fyrir verkið fyrr á þessu ári. Hann var sjötti Íslendingurinn til þess að hljóta Óskarstilnefningu en þjóðin þarf víst að bíða enn um sinn eftir íslenskum Óskarsverðlaunum.

Desplat segir verðlaunin ekki breyta neinu, hann muni áfram vinna við gerð tónlistar fyrir kvikmyndir, bæði bandarískar og franskar.

Tengdar fréttir

Óskarsverðlaunin

Gosling líkt við Marilyn Monroe

• Sýna ógnvekjandi hversdagsleika nasista
• Stórstjörnurnar mættu með eins fylgihlut
• Mættu í Óskarspartí þremur mánuðum eftir skilnaðarfréttir
• Huldi það allra heilagasta með umslagi

» Fleiri tengdar fréttir

• 1 blogg um fréttina

Bloggað um fréttina

• Ásthildur Cesil Þórðardóttir: Að tapa.... eða vinna til úrslita.