Fékk brjóstamynd á afmælisdaginn

Þáttastjórnandinn Chelsea Handler varð 40 ára í gær og vinkonan hennar, grínistinn Whitney Cummings, birti mynd af Handler í tilefni dagsins á Twitter. Á ljósmyndinni má sjá þær Handler og Cummings liggja saman á gólfinu en Hander er ber að ofan og treður brjóstum sínumí andlit Cummings.

„Til hamingju með afmælið til hinnar ávallt fáguðu @chelseahandler,“ skrifaði Cummings.

Handler hefur eflaust verið himinlifandi með þennan glaðning sem hún fékk frá Cummings á afmælisdaginn því hún hefur notað hvert tækifæri sem gefst til að fara úr að ofan eftir að Instagram eyddi brjóstamynd af henni nýverið. Á myndinni mátti sjá Handler sitja berbrjósta á hesti.

„Núna er ég í stríði við Instagram við að reyna að halda brjóstamyndunum mínum inni,“ sagði Handler nýverið í viðtali sem birtist í Elle.

• Blogga um frétt