Mirjana Puhar, keppandi 21 seríu Americas Next Top Model (ANTM), fannst látin á þriðjudaginn. Puhar var myrt á heimili kærasta síns í New York.
Tyra Banks, þáttastjórnandi ANTM, er miður sín yfir missinum og gaf út yfirlýsingu í gær til Access Hollywood. Banks sendi fjölskyldu hinnar 19 ára Puhar samúðarkveðjur í yfirlýsingunni. „Þetta var lífleg og efnileg ung stúlka,“ sagði meðal annars í yfirlýsingunni.
Aðrir keppendur 21 seríu af ANTM og dómarar keppninnar hafa þá líka sent fjölskyldu Puhar kveðjur og minnst fyrirsætunnar, ýmist á Twitter eða Instagram.
Puhar fannst látin ásamt kærasta sínum og öðrum manni í íbúð í New York. Fólkið fannst látið á heimili kærasta Puhar en fregnir herma að Puhar hafi verið nýflutt inn með kærastanum. Málið er til rannsóknar hjá lögreglunni í New York en einn maður sem grunaður er um verknaðinn hefur verið handtekinn.
<div> <div></div> </div><a href="https://instagram.com/p/zjMxVtqQJY/" target="_top">We love you @mirjanapuhar. -Tyra and the Top Model family.</a>
A photo posted by Tyra Banks (@tyrabanks) on Feb 25, 2015 at 7:53pm PST