Grínistinn David Walliams og fyrirsætan Lara Stone hafa verið gift í fimm ár en fregnir herma að hjónabandi þeirra sé nú að ljúka.
Samkvæmt bresku slúðurpressunni eru Walliams og Stone skilin að borði og sæng en þau gengu í það heilaga í London í maí árið 2010. Saman eiga þau eitt barn, soninn Alfred.
Walliams og Stone sáust opinberlega saman í brúðkaupi sir Eltons Johns í desember í fyrra og sjónarvottar sögðu þau virka „hamingjusöm“. Heimildamaður The Sun segir Walliams vera miður sín.
Talsmaður hjónanna hefur enn ekki gefið út tilkynningu varðandi orðróminn um skilnað.