Aðdáendur X-Files þáttaraðarinnar geta heldur betur glaðst núna því Mulder og Scully eru á leið á skjáinn á nýjan leik eftir þrettán ára auglýsingahlé.
Líkt og áður fara þau David Duchovny og Gillian Andersons með hlutverk þeirra Fox Mulder og Dana Scully.
Þáttaröðin naut gríðarlegra vinsælda og vann bæði til Emmy- og Golden Globe-verðlauna. Alls voru þættirnir rúmlega 200 talsins sem sýndir voru á árunum 1993 til 2002.
AFP hefur eftir upplýsingum frá Fox þá mun framleiðsla þáttanna hefjast í sumar. „Ég lít á þetta sem þrettán ára auglýsingahlé,“ segir framleiðandi og skapari X Files, Chris Carter. „Góðu fréttirnar eru þær að heimurinn er orðinn enn skrítnari og því er tímabært að segja þessar sex sögur.“
Í nýju þáttaröðinni verður njósnurunum Skully og Mulder áfram fylgt eftir í starfi á dularfullum atburðum á vegum bandarísku alríkislögreglunnar (FBI).