Söngvarinn Justin Bieber kom aðdáendum sínum á óvart þegar hann kom óvænt inn á sviðið á tónleikum söngkonunnar Ariönu Grande á laugardaginn. Bieber tók lagið Love Me Harder með Grande en gleymdi textanum.
Bieber var miður sín og bað söngkonuna afsökunar eftir atriðið en Grande sagði þetta vera í góðu lagi og sýndi honum mikinn skilning. Bieber sagðist hafa reynt að leggja textann á minnið rétt fyrir tónleikana án árangurs.
Tónleikagestir voru þó himinlifandi með frammistöðu Biebers og töpuðu sér hreinlega þegar hann birtist óvænt á sviðinu.
Myndband af atriðinu birtist á TMZ.