Ireland Baldwin, dóttir leikaranna Kim Basinger og Alec Baldwin, er farin í meðferð til að takast á við „tilfinningarlegt áfall“. Þessu greindi hin 19 ára Ireland Baldwin frá á Twitter í gær.
Baldwin hóf meðferð á Soba Recovery Center-meðferðarstofnuninni í Malibu í gær. „Ég innritaði mig á Soba í tvær vikur bara til að komast undan í smá stund. Ég er ekki mikið partýljón en ég er hérna til að takast á við tilfinningalegt áfall og sæta hnitmiðaða meðferð sem ég þarf á að halda. Einn daginn mun ég deila með ykkur sögu minni,“ skrifaði ungstirnið meðal annars.
Baldwin birti stöðuuppfærslu á Twitter eftir að sá orðrómur komst á kreik að móðir hennar hafi sent hana í meðferð vegna stanslausrar drykkju. En Baldwin vill meina að hún hafi farið í meðferð af sjálfsdáðum og að móðir hennar hafi ekki komið nálægt þeirri ákvörðun.