Margir velja að fá að vita kyn ófæddra barna sinna en halda því svo leyndu frá fjölskyldu og vinum fram að fæðingunni. Korey Rademacher og eiginkona hans, Sharon Oberto gerðu meira en það því auk þess að leyna kyninu leyndu því þeirri staðreynd að Sharon bæri ekki aðeins eitt barn undir belti heldur tvö.
Aðstandendur parsins mættu á spítalann, spenntir yfir að fá að vita hvort kynið hefði bæst í hópinn en þess í stað tók best geymda leyndarmál þeirra hjóna á móti þeim, tvíburastúlkur. Myndbandið hér að neðan sýnir viðbrögð fólks þegar það áttaði sig á aðstæðum. Bestu viðbrögðin koma líklega frá konunni sem fagnaði bleika litnum í fyrstu en brá heldur betur í brún þegar hún uppgötvaði hvað það var mikið af honum.