Liza Minnelli hefur lokið meðferðinni

Leikkonan Liza Minnelli hefur lokið meðferð við áfengis- og eiturlyfjafíkn sinni en Minnelli byrjaði í meðferðinni um miðjan mars.

Fregnir herma að Minnelli hafi gengið vel og ætli núna að einbeita sér að vinnu. Nokkrir dagar eru síðan leikkonan lauk meðferðinni en síðan þá hefur hún verið virk í félagslífinu. „Hún hefur farið mikið út. Hún hefur verið að undirbúa sig undir að stíga aftur á svið,“ sagði heimildamaður New York Post.

Þetta er ekki fyrsta meðferðin með Minnelli fer í en árið 2004 lauk hún meðferð við áfengisfíkn. Sú meðferð skilaði ekki árangri. Sá orðrómur komst á kreik að fyrrverandi eiginmaður hennar, David Gest, hafi sótt um skilnað frá henni árið 2007 vegna líferni hennar.

Liza Minnelli í meðferð

• Blogga um frétt