Talaði opinskátt um eiturlyfjaneysluna

„Lyfjakassinn tæmdur / Klósett fullt af ælu / Átti lærdómsfulla æsku / Handjárn, kærur / Inní klefa læstur / Rændur í skjóli nætur / Held ekki reglu / Kann engar  reglur / Slæmar venjur, það eina sem við þekkjum / Hafnað og hent út með kæruleysi í hámarki“

Gísli Pálmi — úr laginu „Spilavíti“ 

„Þetta er heimur sem meðalmaðurinn verður ekki var við ... Þetta er veruleiki sem gamla kynslóðin þekkir ekki,“ segir Gísli Pálmi.  „En ég reyni að dempa hlutina aðeins niður, reyni að dulkóða þetta. Auðvitað kemur þetta gróft út, en þetta er raunveruleikinn eins og hann er,“ sagði Gísli Pálmi í viðtali við Óla Palla.

„Það hefur enginn þorað að segja frá þessu,“ bætir hann við, og það má heyra á Gísla að hann hafi snúið blaðinu við. „Því miður fá þeir sem að eru í svona miklu rugli ekki að segja frá þessu. Strákarnir sem að ég rúllaði með á þessum tíma eru ekki að gera tónlist eins og ég. Það bara vill svo til að ég er góður í tónlist líka.“

Og hvar eru þessir félagar staddir í dag?

„Þeir eru flestir búnir að snúa sér við  eða  í fangelsi ... Það er það sem að breytti mér ... Þar gat ég róað mig niður.“

• 1 blogg um fréttina

Bloggað um fréttina

• Jens Guð: Alltaf markaður fyrir spennandi tónlist