Leikkonan Amy Adams gekk að eiga unnusta sinn, Darren LeGallo, við leynilega athöfn í Kaliforníu á laugardaginn.
Adams og LeGallo giftu sig loksins eftir 14 ára ástarsamband við litla athöfn þar sem aðeins fjölskylda og nánustu vinir voru viðstaddir.
Adams og LeGallo trúlofuðu sig árið 2008 og eiga eina dóttur saman. Fregnir herma að skötuhjúin hafi ætlað að gifta sig fyrir löngu en ekki getað það sökum annríkis.
„Amy og Darren ætluðu að vera búin að gifta sig en ferill hennar hefur verið á svo miklu flugi hún hefur átt erfitt með að taka sér frí,“ sagði vinur hjónanna samkvæmt heimildum Contactmusic.