Myndlistarkonan Rúrí frumflytur nýjan gjörning á Listahátíð í Reykjavík þann 16. maí. Gjörningurinn er sagður umfangsmikill og verður hann aðeins fluttur í þetta eina skipti.
Gjörningurinn Lindur - Vocal VII er saminn sérstaklega til flutnings í Norðurljósasal í Hörpu á Listahátíð í Reykjavík. Titill verksins vísar til uppsprettu og undirstöðu lífs á jörðu og til líðandi stundar, en jafnframt um leið til tjáningar lifandi vera og fyrirbæra.
Í fréttatilkynningu um gjörninginn segir: Í stuttu máli, með orðum Rúrí „gjörningurinn fjallar um samband manns og náttúru.“