Hjartaknúsarinn Channing Tatum á sér aðdáendur víða og meðal annars innan raða lögreglunnar á Suðurnesjum. Lögreglumaðurinn, Zvezdan Smári Dragojlovic, stöðvaði Tatum þegar hann átti leið í gegnum vegabréfaeftirlitið í Leifsstöð í morgun en þó ekki vegna þess að honum þætti eitthvað gruggugt við leikarann heldur til þess að taka með honum mynd.

Lögreglustjórinn á Suðurnesjum deildi myndinni sem Zvezdan, jafnan kallaður Zeko, tók með Tatum á Facebook. Zvezdan hafði sjálfur deilt myndinni á eigin síðu og sagt frá kynnum sínum af Tatum. Raunar heldur hann því fram að það hafi verið Tatum sem sóttist eftir mynd með lögreglumanninum, sem sló í gegn fyrr á árinu vegna glæsilegra danshreyfinga á Keflavíkurflugvelli.

„Þessi efnilegi maður, Channing Tatum, betur þekktur sem Magic Mike, kom til mín í dag í flugstöðinni og spurði - Ertu ekki örugglega dansandi lögga, betur þekktur sem Magic Zeko?“ skrifar Zvezdan. „Já svaraði ég eins og skot! Má ég taka selfie með þér spurði hann ???...... Gat ekki sagt nei við kallinn.“

Í færslu Lögreglustjórans á Suðurnesjum er sérstaklega tekið fram að Tatum sé hægra megin á myndinni enda eru þeir Zeko og Tatum nauðalíkir.

Hér að neðan má sjá færslu Lögreglustjórans á Suðurnesjum sem og myndbandið góða sem sýnir Zeko skekja skanka í takt við tóna Pharrell Williams.

Tengdar fréttir

Channing Tatum

Tatum tjaldaði í snjóbyl

• Með 45 kílóa snjóbolta á jöklinum
• Vildi þríleik með Channing Tatum
• Hver er þessi Channing Tatum?
• Tatum kominn á Klaustur

» Fleiri tengdar fréttir

• Blogga um frétt