Eiga von á sínu fyrsta barni

Leikarahjónin Leighton Meester og Adam Brody eiga von á sínu fyrsta barni. Þessu var fyrst greint frá á slúðursíðunni Popsugar eftir að ljósmyndari náði myndum af hjónunum á laugardaginn, á myndunum sást að Meester er komin nokkra mánuði á leið.

Þau Meester og Brody virðast ekki vera mikið fyrir sviðsljósið því þau hafa ekki tjáð sig um fréttirnar. Það kemur kannski ekki á óvart því þau greindu frá því að þau væri gift heilum mánuði eftir að þau voru gefin saman.

Meester og Brody kynntust árið 2011 við gerð myndarinnar The Oranges. Meester er þekktust fyrir hlutverk sitt í þáttunum Gossip Girl og Brody skaust almennilega fram á sjónarsviðið þegar hann lék í þáttunum O.C.

Leikkonan Leighton Meester er 29 ára gömul og á von á sínu fyrsta barni með eiginmanni sínum. AFP

• Blogga um frétt