#12stig eitt vinsælasta myllumerkið

Landsmenn létu svo sannarlega til sín taka á samskiptamiðlum í gær þegar Eurovision stóð sem hæst og kepptust við að tjá sig um síðara undanúrslitakvöldið. Það má þó segja að nýjum hæðum hafi verið náð á Twitter þar sem myllumerkið #12stig var á meðal tíu vinsælustu myllumerkja í heimi um tíma.

STÓRASTA LAND Í HEIMI #12stig pic.twitter.com/mIGTNu6kqI

— Eydís Blöndal (@eydisblondal) May 21, 2015

Í glugganum „Worldwide Trends“ á Twitter má sjá lista yfir tíu vinsælustu myllumerki heims á hverjum tíma fyrir sig, og þarf gríðarlegt flæði tísta til að komast á þann lista. 

Engin furða er þó að Íslendingar hafi komist á listann þar sem landsmenn virtust hafa skoðun á hverju einasta smáatriði í keppninni. 

Eins og kunnugt er komst María Ólafsdóttir ekki í úrslit keppninnar með framlag Íslands, og ríkti mikil sorg á Twitter eftir að það varð ljóst. Sumir þökkuðu Maríu þó fyrir að hafa komið Íslandi á kortið.

María náði hype-i hjá íslendingum sem hefur aldrei verið náð áður, við trenduðum worldwide á twitter í smá stund, það er magnað #12stig

— kari hinriksson (@kariorn) May 21, 2015

🌐🌐🌐🌐Við komumst kannski ekki áfram en við komumst á WORLDWIDE TRENDS 🌐🌐🌐🌐

— Eydís Blöndal (@eydisblondal) May 21, 2015

Úrslitakeppni Eurovision fer fram á laugardag og má búast við því að Íslendingar haldi áfram að tísta undir myllumerkinu.

• Blogga um frétt