Nöfn þeirra Mirjam Weichselbraun, Alice Tumler og Arabella Kiesbauer eru eflaust ekki kunnugleg en eftir síðustu viku ættu andlit þeirra að vera það. Þær stöllur eru fyrstu konurnar til að kynna Eurovision keppnina þrjár saman og hafa m.a. , með dyggri aðstoð Conchitu Wurst úr græna herberginu, frætt Evrópu um stemninguna í Eurovisionhöllinni í Vín og kynnt þau lönd sem komust upp úr undankeppnunum tveimur.

Eins og vera vill með kvenmenn á sviði höfðu notendur samfélagsmiðla sterkar skoðanir á klæðaburði vinkvennanna. Íslendingar  voru allt annað en hrifnir af klæðnaði þeirra á fyrra undankvöldinu en almenn virðist notendum Twitter hafa fundist þær skömminni skárri í gærkvöldi. 

Sé að kynnarnir hafa snarbætt hjá sér smekkinn frá á þriðjudaginn. En betur má ef duga skal #12stig

— Sigrun Hjartar (@sigrunhjartar) May 21, 2015

Kynnarnir miklu flottari núna en á þriðjudga #12stig

— Steinunn Vigdís (@Silladis) May 21, 2015

Á rennsli í dag kom síðan í ljós hverju þær stöllur munu klæðast á morgun, þegar sjálf aðalkeppnin fer fram með pompi, prakt og tilheyrandi glimmeri. Þær Weichselbraun, Tumler og Kiesbauer munu allar klæðast svörtum kjólum með mismiklum blúndum og en drottningin sjálf, Conchita Wurzt, hyggst standa út í fjólubláum, baklausum samfestingi. Nú er bara að sjá hvað Tístlandi finnst.