„Ert þú ekkert að lenda í því að fólk sé að rugla okkur saman?“ spyr Friðrik Dór söngvari (næstum því) nafna sinn, Friðrik Þór leikstjóra. „Nei nei,“ svarar Friðrik Þór um hæl.
Söngvarinn og leikstjórinn taka höndum saman í nýjustu örmyndbandaröð UN Women í átakinu HeForShe. Eru þeir Friðrik Þór og Friðrik Dór sammála um mikilvægi þátttöku stráka í baráttunni fyrir jafnrétti kynjanna.
Samkvæmt rannsókn á vegum UN Women verður jafnrétti náð árið 2095 ef við höldum áfram á sömu braut á sama hraða. Með stráka og karlmenn um borð er talið að jafnrétti muni nást helmingi fyrr.
Barnahjónabönd eru alvarleg birtingarmynd ofbeldis gegn konum og stúlkum. Ef ekkert verður gert til að sporna við þessu að munu 39 þúsund stúlkur undir 18 ára aldri vera þvingaðar í hjónaband á hverjum einasta degi. Það eru 27 stúlkur á hverri mínútu ganga í hjónaband á næstu 10 árum. Það tekur einungis eina kynslóð að afnema barnahjónabönd,“ segir í tilkynningu frá UN Women.