Leikkonan Demi Moore og dóttir hennar, Rumer Willis, eru nauðalíkar og klæða sig meira að segja eins.
Rumer Willis birti mynd af sér og móður sinni á Instagram í gær og vakti athygli á hversu líkar þær mæðgur eru. „Augnablikið sem þú áttar þig á að þú ert raunverulega að breytast í móður þína,“ skrifaði hin 26 ára Willis við myndina. Á myndinni skörtuðu þær samskonar hárgreiðslu, eins gleraugum og eins samfestingi og líta nánast út eins og tvíburnar.
Hin 52 ára Moore deildi myndinni svo áfram á Twitter.