Leikkonan Keira Knightley eignaðist stúlku í gær í London. Frá þessu var greint á heimasíðu E! News. Þetta er fyrsta barn hennar og eiginmanns hennar, James Rightons. Knightley og Righton hafa enn ekki staðfest fréttirnar sjálf.
Knightley var gestur í spjallþætti Ellen DeGeneres ekki alls fyrir löngu og þá tjáði hún sig um meðgönguna. „Það er ekki í boði að halda því [barninu] inni. Ég geri ráð fyrir að ég þurfi að reyna að koma því út,“ grínaðist leikkonan.
Knightley og Righton hafa verið saman frá árinu 2011 og létu pússa sig saman í Frakklandi í maí árið 2013.