Leikkonan Kristen Stewart hefur fundið ástina á ný, tveimur árum eftir að slitnaði upp úr sambandi hennar við Robert Pattinson, meðleikara hennar í Twilight-kvikmyndunum. Um er að ræða Aliciu Cargile, aðstoðarkonu Stewart.
Móðir Stewart sagði í samtali við Sunday Mirror að hún hefði hitt Aliciu og að parið væri mjög hamingjusamt.
„Mér finnst að fólki eigi að vera frjálst að elska þann sem það vill. Ég samþykki að dóttir mín elskar konur og karla,“ sagði hún. „Við veljum vini okkar og því ætti okkur einnig að vera frjálst að velja elskhuga.“