Billy Joel gengur óvænt í hjónaband

Poppstjarnan Billy Joel og Alexis Roderick, kærasta hans til langs tíma, gengu óvænt í hjónaband í gær. Þau létu vita í þjóðhátíðargleðskap í gær.

Athöfnin fór fram á landareign Joels, þar sem Andrew Cuomo, ríkisstjóri New York, gaf þau saman.

Joel og Roderick „komu fólki á óvart í gleðskapnum þegar þau tilkynntu um hjúskapinn í hópi náinna vina og fjölskyldu,“ segir í yfirlýsingu frá Claire Mercuri, útgefanda Billy Joel.

Billy Joel, sem er 66 ára, og Alexis Roderick, sem er á fertugsaldri, eiga von á sínu fyrsta barni eftir nokkra mánuði. Roderick er fjórða eiginkona Joels, en samband þeirra hófst árið 2009.

• Blogga um frétt