Nú er Caitlyn Jenner orðin amma en sonur hennar Brandon Jenner og eiginkona hans Leah Jenner eignuðust stúlku síðastliðinn miðvikudag. Hún fékk nafnið Eva James Jenner. Enn hafa ekki verið sendar út myndir af barninu en Leah Jenner deildi meðfylgjandi færslu á Instagram síðu sinni.
„Miðvikudaginn 22. júlí varð ég mamma. Þetta er án vafa eitt það fallegasta sem ég upplifað en reyndi einnig á andlega og líkamlega. Ég er þakklát fyrir hverja mínútu. Við Brandon erum nú að huga að litlu heilbrigðu stelpunni okkar, Evu James Jenner.“
Parið starfar saman í tónlistariðnaðinum. Þau giftu sig árið 2012 á Hawaii.
Frétt mbl.is - Bruce Jenner á von á barnabarni