Söngkonan Gwen Stefani og eiginmaður hennar, söngvarinn Gavin Rossdale eru að skilja. Greint er frá þessu í Irish Examiner.
Stefani, sem er söngkona hljómsveitarinnar No Doubt, og Rossdale, söngvari hljómsveitarinnar Bush, hafa verið gift í tæp þrettán ár og eiga þrjá syni saman. Sá yngsti er eins árs gamall. Stefani óskaði eftir skilnaðinum í gær í Los Angeles. Samkvæmt dómsskjölum er ástæðan óásættanlegur ágreiningur.
Stefani og Rossdale fara fram á sameiginlegt forræði yfir börnum sínum, Zuma, Kingston og Apollo. Í tilkynningu sem þau sendu frá sér í sameiningu segir að þau stefni að því að ala börnin upp í sameiningu en þau hafi komist að sameiginlegri niðurstöðu um að óska eftir skilnaði. Þrátt fyrir að þau séu ekki lengur félagar í hjónabandi þá verði þau áfram félagar þegar kemur að foreldrahlutverkinu. Þau biðja fjölmiðla um að veita þeim næði á næstunni.
Auk tónlistarinnar þá hefur Stefani unnið sem fatahönnuður og unnið við sjónvarpsþættina The Voice í Bandaríkjunum. Þau Stefani, 45 ára, og Rossdale, 49 ára, unnu saman að þáttunum í fyrra og viðurkennir Stefani að samstarfið hafi ekki gengið neitt sérstaklega vel.
<iframe allowfullscreen="" frameborder="0" height="480" src="https://www.youtube.com/embed/ubvV498pyIM" width="640"></iframe><div id="embedded-remove"> </div> <iframe allowfullscreen="" frameborder="0" height="480" src="https://www.youtube.com/embed/a8JxZa2UJ6E" width="640"></iframe><div id="embedded-remove"> </div>