Justin Theroux sem kvæntist unnustu sinni Jennifer Aniston á dögunum lýsti því í viðtali við People hvernig það væri að geta loks kallað hana eiginkonu sína. „Það er öðruvísi en á góðan hátt,“ sagði Theroux.
„Ég er afar hamingjusamur. Það er gaman að horfa niður og sjá hringinn á fingrinum.“
Parið gifti sig við leynilega athöfn fyrr í mánuðinum og stakk svo af til Bora Bora í brúðkaupsferð. Þau hafa búið saman síðan 2011 og trúlofuðu sig svo árið 2012. Þegar Aniston var spurð út í það hvernig þeim hafi tekist að halda brúðkaup án þess að fjölmiðlar yrðu þess varir svaraði hún: „Ef viljinn er fyrir hendi er allt hægt.“