Tónlistargoðsögnin David Bowie mun semja tónlistina fyrir söngleik byggðan á teiknimyndunum um Svamp Sveinsson (e. SpongeBob SquarePants). Leikhópurinn Oriental Theatre sem starfar í Chicago í Bandaríkjunum greindi frá því í dag að Bowie myndi leiða hóp tónlistamanna sem mun semja tónlistina við söngleikinn en hann verður frumsýndur 7.júní á næsta ári.
Aðrir tónlistarmenn sem taka þátt í verkefninu er The Flaming Lips, They Might Be Giants, Cyndi Lauper, meðlimir Aerosmith og John Legend.
Söngleikurinn verður í gangi í einn mánuð í Chicago áður en hann verður fluttur til New York en þar verður hann sýndur á Broadway.
Teiknimyndirnar um Svamp Sveinsson voru fyrst sýndar árið 1999 og slógu þær í gegn. Þær eru framleiddar af sjónvarpsstöðinni Nickelodeon. Þættirnir eru vinsælir meðal barna og fullorðna, þar á meðal Barack Obama, en hann segist vera heitur aðdáandi. Hinsvegar hafa kristnir öfgamenn gagnrýnt þáttinn fyrir að sýna samkynhneigð í jákvæðu ljósi.