Leikarinn og leikstjórinn Mel Gibson verður ekki ákærður vegna ásakana um að hafa ýtt við ljósmyndara fyrir utan kvikmyndahús í Sidney í Ástralíu í síðasta mánuði. Var því haldið fram að hann hefði einnig hrækt og öskrað á hana.
Talmaður leikarans segir hann vera ánægður með ákvörðun lögreglu í málinu. Lögfræðingur hans segir hann neita sök. „Hann er ánægður að lögregla, eftir að hafa rætt við vitni og fengið myndir úr öryggismyndavél og önnur sönnunargögn, hafi komist að því að það er engin innistæða fyrir ásökununum.“
Miller sagði í samtali við Daily Telegraph, en hún starfar hjá blaðinu, að hún hafi tekið mynd af parinu og Gibson hafi brugðist harkalega við.
Talsmaður Gibsons, Alan Nierob, sagði ekkert hæft í þessu og það rétta sé að Gibon og vinur hans hafi orðið fyrir áreiti af hálfu ljósmyndarans og hann hafi beðið Miller ítrekað um að hætta. „Það var aldrei um líkamlega snertingu að ræða og sagan er tilbúningur frá upphafi til enda,“ segir Nierob í viðtali við Guardian.
Frétt mbl.is: Gibson neitar ásökunum ljósmyndara