Miðar á Glastonbury tónlistarhátíðina á næsta ári seldust upp á hálftíma í dag. Alls voru 118.200 miðar í boði á 228 pund, 44 þúsund krónur, hver auk 5 punda þóknunargjalds.
Í tilkynningu frá aðstandendum hátíðarinnar kemur fram að enn einu sinni hafi selst upp á hátíðina en fólk alls staðar úr heiminum beið við tölvur sínar og tæki til þess að tryggja sér miða.
Samkvæmt BBC eru Coldplay og Adele meðal þeirra sem þykja líklegust til að koma fram á hátíðinni en í síðasta mánuði sagði Michael Eavis, sem skipuleggur hátíðina, að hann væri búinn að bóka helstu númerin á hátíðinni 2016 og 2017.