Það hefur líkast til ekki farið fram hjá mörgum að söngvarinn og Íslandsvinurinn Justin Bieber var á dögunum myndaður kviknakinn þar sem hann var að slaka á í fríi ásamt vinkonu sinni.
Myndirnar fóru samstundis í mikla dreifingu á netinu og voru birtar á hinum ýmsu netmiðlum út um víða veröld. Lögfræðiteymi Biebers hótaði síðan málsókn vegna myndbirtinganna, líkt og sjá má hér.
Contactmusic greindi frá því að leikkonan Bette Midler hefði blandað sér í umræðuna, en hún gagnrýndi föður Biebers, Jeremy, fyrir afar óviðeigandi tíst sem hann deildi á dögunum. Færslan hefur nú verið fjarlægð en þar stóð:
„Hvað gefurðu þessu eiginlega að borða? #stoltur pabbi.“
Bette Midler svaraði föður Biebers um hæl og leyndi ekki vanþóknun sinni:
„Pabbi Justins Biebers lýsti því yfir að hann væri stoltur af reðurstærð sonarins. Ég held að stærsti skaufinn í þessu samhengi sé faðirinn sem yfirgaf son sinn.“
Tíst Midler virðist afsanna þá kenningu að einungis smástúlkur láti sig söngvarann varða, en það má sjá hér að neðan.
.@justinbieber dad tweeted he's proud of his son's penis size. I think the biggest dick in this situation is the dad who abandoned his son.
— Bette Midler (@BetteMidler) October 10, 2015