Skrekkur, hæfileikakeppni grunnskólanema í Reykjavík hélt áfram í Borgarleikhúsinu í gærkvöld. Níu skólar kepptu á þriðja undankvöldi Skrekks og komust Árbæjarskóli og Hlíðaskóli áfram með sín atriði.
Borgarleikhúsið var þétt setið unglingum úr 8., 9. og 10. bekk sem studdu sína skóla vel áfram. Átta grunnskólar munu keppa til úrslita í Skrekk mánudaginn 16. nóvember, en alls taka 25 skólar þátt í keppninni.