Afgreiddi hjá Beckham og fílaði sig

Leikkonan og fyrrverandi örvilnaða húsmóðirin Eva Longoria vílar ekki fyrir sér að taka til hendinni. Eins og sjá má kom hún vinkonu sinni, tískudrottningunni Victoriu Beckham, til aðstoðar þegar hún skellti sér á bak við búðarborðið í flaggskipi fatahönnuðarins í London.

Eins og sjá má vinna margar hendur létt verk, en það er greinilega mikið að gera í verslun Beckham.

Kryddpían fyrrverandi deildi mynd af nýjasta aðstoðarmanni sínum á Instagram-síðu sinni, en hún kann henni sínar bestu þakkir.

„Ég er með nýjan sölumann í verslun minni á Dover-stræti. Takk Eva Longoria.“

Konunum er vel til vina, en þær slógu einnig heldur betur á létta strengi fyrir utan verslunina.

„Ballettinn mættur á Dover stræti í London. Eva Longoria fer með aðalhlutverkið.“

• Blogga um frétt