Meint samband ungstirnisins Justin Biebers og elstu Kardashian systurinnar, Kourtney, var mikið á milli tannanna á fólki á síðasta ári.
Tímaritið People hefur eftir ónefndum heimildamanni að skötuhjúin séu enn að hittast, og að fundirnir fari venjulega fram í Los Angeles.
„Hann hefur hitt krakkana, en þau eru þó ekki að slá sér upp í kringum börnin. Þau hittast á kvöldin þegar hún er með hjálp og getur skellt sér út. Kourtney er frábær og Justin finnst töff að hún sé eldri og myndarleg. Hún er ekki ágeng, heldur á sér sitt eigið líf.“
„Það hefur engar slæmar afleiðingar fyrir Justin að vera að slá sér upp með Kourtney. Hún er mjög auðveld í umgengni sem gerir það að verkum að það er skemmtilegt fyrir hann að vera í kringum hana.“