Segja Prince hafa þjáðst af alnæmi
Setja bókamerki
Samkvæmt heimildum tímaritsins National Enquirer hafði söngvarinn Prince verið greindur með alnæmi skömmu áður en hann lést. Opinber dánarorsök hefur þó enn ekki verið gefin út, en niðurstöðu krufningar er að vænta á næstu vikum.
Ýmsir fjölmiðlar hafa fjallað um málið í morgun, þar á meðal Mirror og Radar Online, en allir vísa þó í heimildir tímaritsins.
„Hann var í slæmu ásigkomulagi. Læknar sögðu Prince að hann væri sérlega blóðlítill, auk þess sem líkamshiti hans væri hættulega lágur. Hann þjáðist af miklum járnskorti, var afar veikburða og oft með óráði,“ er haft eftir ónefndum heimildamanni National Enquirer.
„Hann borðaði sjaldan, en þegar hann gerði það hélt hann engu niðri.“
Í frétt tímaritsins er því haldið fram að söngvarinn hafi verið greindur með alnæmi fyrir hálfu ári, eftir að hafa smitast af HIV-veirunni á tíunda áratugnum. Þá er því er einnig haldið fram að söngvarinn hafi afþakkað læknismeðferð vegna trúarskoðana sinna, en hann var meðlimur í söfnuði Votta Jehóva.
Eins og áður sagði var söngvarinn krufinn, en niðurstöður krufningarinnar hafa enn ekki verið gerðar opinberar.
Skar höfuðleðrið af íslenskri konu
Nemendur í HÍ reistu tjaldbúðir án leyfis
Bergnuminn í Hvalfirði
Gígbarmurinn hækkað frá því í gær
Skiptir miklu meira máli en fólk grunar
Krefjast stöðvunar framkvæmda