Tileinkaði Jay Z síðasta lagið

Hjónaband Beyoncé og rapparans Jay Z hefur mikið verið á milli tannanna á fólki undanfarna daga, einkum vegna útkomu nýrrar plötu söngkonunnar, Lemonade.

Margir hafa rýnt í texta plötunnar, sem eru afar opinskáir, og telja nokkuð víst að þar sé poppdrottningin að syngja um hjúskaparbrot eiginmannsins.

Þeir sem hlusta plötuna á enda hafa þó tekið eftir því að Beyoncé hefur tekið eiginmanninn í sátt, en platan endar á ljúfu nótunum. Sama var uppi á teningnum á fyrstu tónleikum söngkonunnar í Formation tónleikaferðalaginu sem hóf göngu sína í gær.

Poppdrottningin tileinkaði Jay Z síðasta lagið sem hún flutti, Halo, og sendi honum í leiðinni ástarkveðju.

„Ég vil tileinka þetta lag fallega eiginmanninum mínum. Ég elska þig svo mikið,“ sagði söngkonan áður en hún hóf upp raust sína og lokaði tónleikunum.

• Blogga um frétt