Söngkonan Pink er ekki sérlega hrifin af frammistöðu eiginmannsins í bólinu, enda segir hún hann gjarnan sofna þegar hún ætlar að tæla hann til lags við sig.
„Hann sofnar alltaf þegar hann er að svæfa Willow. Um daginn spurði ég hann hvort hann ætlaði að vaka í kvöld og hann svaraði, ég myndi vilja það,“ sagði söngkonan í viðtali við spjallþáttadrottninguna Ellen Degeneres.
„Ég sagði, ég veit ekki hvað það þýðir. Á ég að kveikja á kertum, opna vínflösku og setja á svið sýningu fyrir þig. Eða munt þú sofna aftur?“
Söngkonan taldi sig aldeilis vera að fara að detta í lukkupottinn, en allt kom fyrir ekki. Eiginmaðurinn steinsofnaði.
„Svo ég kveikti á kertunum, opnaði vínflösku og beið eftir honum í hálfan annan tíma. En ég er sokkin í Homeland þættina, þannig að þetta var í lagi.“
Söngkonan segir eiginmanninn þó ekki alsæman, „hann er ágætur. Hann er mjög myndarlegur og frábær pabbi. Þess vegna sofnar hann alltaf, því hún vill hafa hann hjá sér.“
Frétt Daily Mail