Poppdrottningin Beyoncé gerði allt vitlaust á dögunum þegar hún sendi frá sér hina opinskáu plötu, Lemonade.
Fjölmiðlar, sem og aðdáendur, fóru mikinn enda vildu allir komast að því hver hinn umtalaði hjónadjöfull Becky er.
Nú er Becky stigin fram, öllum að óvörum, en einstaklingurinn sem gekkst við verknaðnum er ekki sá sem flesta hafði grunað, líkt og fram kemur í umfjöllun Mirror.
„Já það er ég,“ viðurkenndi söngvarinn Chris Martin. „Ég og Jay höfum verið að hittast af og til undanfarin 24 ár,“ sagði hinn gamansami Martin.
„Við förum bara saman í keilu, en fólk á það til að draga upp ranga mynd af þessu þar sem við tölum oft um hversu stórar kúlur við séum með. Ég er feginn að hafa létt þessu af mér,“ gantaðist spéfuglinn með, en hann hefur lengi þekkt hjónakornin Beyoncé og Jay Z.