Rihanna og Drake sögð „deita“ í laumi

Ástarlíf söngkonunnar Rihönnu hefur mikið verið á milli tannanna á fólki síðustu misserin, en hún hefur meðal annars verið orðuð við stórleikarann Leonardo Dicaprio.

Nú heldur ónefndur heimildamaður tímaritsins People því þó fram að Rihanna og rapparinn Drake hafi verið að stinga saman nefjum undanfarna mánuði.

Skötuhjúin komu fram á tónleikum söngkonunnar í gær, þar sem þau tóku lagið „Work“ saman.

Að tónleikum loknum skelltu þau sér síðan út á lífið, þar sem þau dönsuðu langt fram á nótt og létu vel að hvort öðru, ef marka má lýsingar sjónarvotta.

• Blogga um frétt