Skoski plötusnúðurinn Calvin Harris lenti í alvarlegu bílslysi í Los Angeles á föstudaginn. Var hann á leið út á flugvöll þar sem hann átti bókað flug til Las Vegas vegna tónleika sem hann átti að halda þar um helgina.
Var hann fluttur á spítala og tónleikunum aflýst. Hlaut hann í slysinu skurði í andliti.
Hann var útskrifaður af spítalanum sama dag þótt læknar mæltu með því að hann yrði þar áfram. Sögðu læknarnir honum að taka því rólega næstu daga en hann hlaut ekki alvarleg meiðsl.
Ökumaður hins bílsins sem klessti á bíl Harris var ung stelpa. Einn farþegi í hennar bíl hlaut talsvert alvarlegri meiðsl en talið er að hún hafi hlotið beinbrot.
Sjá frétt The Mirror.