Ekki lengur klikkaði og skemmtilegi gaurinn

Mark Wahlberg viðurkenndi á dögunum að hann hefði róast mikið með árunum.  Leikarinn var á sínum yngri árum þekktur fyrir mikið partístand, en hann segist hafa þroskast í kjölfar þess að hafa stofnað fjölskyldu.

„Ég er ekki lengur klikkaði og skemmtilegi gaurinn sem ég var áður,“ sagði Wahlberg í viðtali á dögunum.

„Ef maður getur ekki vaxið úr grasi og þroskast við það að eignast börn mun ekkert virka fyrir mann. Maður hafði allan þennan tíma til að gera sína eigin hluti, síðan er maður skyndilega ábyrgur fyrir að ala upp einstaklinga og sjá fyrir öðrum.“

Wahlberg og eiginkona hans, Rhea Durham, eiga saman fjögur börn á aldrinum sex til tólf ára líkt og fram kemur í frétt Daily Mail.

• Blogga um frétt