Fjöldi fólks hefur klórað sér í höfðinu síðasta sólarhringinn yfir mynd sem sýnir tvo einstaklinga faðmast á strönd. Ástæðan er sú að erfitt er að greina í sundur hvor á hvaða fætur.
Myndinni var deilt á samfélagsmiðilinn Imgur í gær, með titlinum: „Þetta meiðir á mér heilann...“. Þá hafa fjölmargir skrifað athugasemd undir myndina og sagst verða enn ringlaðri því lengur sem þeir horfi á myndina.
Fjallað er um myndina á vef breska miðilsins The Telegraph og eru lesendur hvattir til að rýna vel í myndina og reyna að finna út úr því sjálfir hvor á hvaða leggi. Við betri athugun sést þó að stuttbuxur mannsins sem snýr frá myndavélinni eru hvítar og svartar og skýrist þá að hans fætur eru þeir utanverðu, en fætur einstaklingsins sem hann er að faðma eru fyrir innan.
View post on imgur.com