Leikkonan Blake Lively þurfti að taka á honum stóra sínum fyrir hlutverk í hennar nýjustu mynd, The Shallows.
Ekki þurfti Lively aðeins að koma sér í hörkuform áður en tökur hófust, heldur voru tökurnar sjálfar sérlega krefjandi.
„Ég var með frábæran þjálfara, en hann gaf mér spark í rassinn með besta mögulega og heilbrigðasta hætti,“ sagði leikkonan í samtali við ET-online.
Myndin segir frá ungri konu sem verður fyrir árás hákarls, en hún er að miklum hluta til tekin við strendur Ástralíu.
„Að vera í öldugangi líkt og þessum, og á sundi í svona langan tíma, gerði það að verkum að ég var miklu sterkari þegar tökum lauk. Ég var að æfa í 13 tíma á dag, því tökurnar voru í rauninni líkamsrækt.“