Spjallþáttadrottningin Ellen DeGeneres greindi á dögunum frá því að fyrsta stefnumót hennar og Portiu de Rossi, sem nú er eiginkona hennar, hafi ekki verið sérlega rómantískt.
„Við keyrðum um því við máttum ekki láta sjá okkur saman. Hún var ekki komin út úr skápnum,“ játaði DeGeneres í útvarpsviðtali á dögunum.
„Allir sögðu, ekki láta sjá ykkur. Hvað ef þetta endist ekki og þú eyðileggur ferilinn þinn?“
Í dag hafa stöllurnar þó verið saman í 11 ár, en á næstunni fagna þær átta ára brúðkaupsafmæli sínu.
Frétt Daily Mail