Cyndi Lauper segir mun mikilvægara að eltast við ástríður sínar en að dvelja í sviðsljósinu. Söngkonan hefur þó lítið breyst í gegnum tíðina og skartar til að mynda litskrúðugu hári, líkt og hún var þekkt fyrir hér áður fyrr.
„Ég held að ég sé komin á þann aldur að ég geti haft bleikt hár ef ég vildi, eða blátt. Blái liturinn á hins vegar til að verða svolítið grænn, svo þessa dagana held ég mig við bleikan,“ sagði söngkonan í viðtali við tímaritið Aarp.
Það er þó eitt sem Lauper viðurkennir að sjá eftir, og það eru peningarnir sem hún vann sér inn þegar hún var á hátindi ferilsins.
„Ég var aldrei snjöll í fjármálum, líkt og Prince. Ég vildi að fólk hefði ekki notfært sér mig svona mikið.“