Paloma Faith með barni

Söngkonan Paloma Faith og unnusti hennar, Leyman Lahcine, eiga von á sínu fyrsta barni.

Faith greindi frá tíðindunum á Instagram-síðu sinni, en þau skötuhjúin eru að vonum æsispennt.

„Það gleður mig að tilkynna ykkur að ég ætla að taka mér svolítið hlé því ég á von á barni. Allt mitt líf hefur mig dreymt um að verða móðir, ég er svo lánsöm því nú er komið að því.“

Söngkonan mun því ekki setjast aftur í dómarasæti þáttanna The Voice, líkt og hún gerði í síðustu þáttaröð.

„Ég vil alls ekki að barnið verði í sviðsljósinu og ég vonast til að allir geti sýnt því skilning.“

• Blogga um frétt