Ofurfyrirsætan Gisele Bündchen er tekjuhæsta fyrirsætan 10. árið í röð, samkvæmt lista Forbes.
Bündchen þénaði 30,5 milljónir Bandaríkjadali á síðustu 12 mánuðum, sem samsvarar rúmlega þremur og hálfum milljarði íslenskra króna. Megnið af tekjunum fékk hún fyrir störf sín fyrir tískufyrirtækin Chanel, Carolina Herrera og snyrtivöruframleiðandann Pantene.
Í öðru sæti situr Adriana Lima, sem halaði inn 20 milljónum dollara, en hún hefur lengi starfað fyrir undirfatarisann Victoria´s Secret. Þá hefur hún einnig sitið fyrir hjá Maybelline og IWC Watches svo eitthvað sé nefnt.
Kendall Jenner og Karlie Kloss deila síðan þriðja sætinu, en báðar höluðu þær inn 10 milljónum Bandaríkjadala á síðustu 12 mánuðum.
Listann í heild sinni má sjá hér.