Söngkonan Janet Jackson, sem er fimmtug, á von á sínu fyrsta barni með eiginmanni sínum Wissam Al Mana en hún staðfesti orðróminn við tímaritið People.
Fréttirnar koma ekki á óvart, en fyrr á árinu frestaði söngkonan tónleikaferðalagi sínu því hún og eiginmaður hennar ætluðu að einbeita sér að því að stofna fjölskyldu.
„Við þökkum guði fyrir að vera svona lánsöm,“ sagði söngkonan í samtali við tímaritið, en hún sat einnig fyrir á síðum þess og sýndi vaxandi kviðinn.
Söngkonan hefur látið lítið fyrir sér fara undanfarið, en hún er talin hafa nýtt sér aðstoð frjósemislækna við að verða þunguð.