Ungstirnið Justin Bieber stormaði af sviði á tónleikum í Manchester í gær, en honum þótti aðdáendur hans ekki sýna honum nægilega virðingu.

Söngvarinn var að spjalla við tónleikagesti á milli laga, en samkvæmt frétt Daily Mail höfðu þeir mun meiri áhuga á að hlusta á tónlist kappans og hófu því að hrópa á hann. Þetta hugnaðist söngvaranum ekki, en hann fleygði frá sér hljóðnemanum og stormaði af sviðinu.

Söngvarinn sneri þó aftur að nokkrum mínútum liðnum og kláraði tónleikana.

„Ástæðan fyrir því að ég var í svona miklu uppnámi er sú að ég ferðaðist yfir hálfan hnöttinn til að koma hingað, og ég tileinka líf mitt því að koma fram og gleðja fólk. Mér finnst að fólk hafi ekki sýnt mér sömu virðingu, og það er svolítið sárt,“ sagði Bieber um uppátækið.

Frétt mbl.is: Bieber hundleiður á aðdáendum sínum

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

• Blogga um frétt