Leikkonan Kate Beckinsale er að skilja við eiginmann sinn, leikstjórann Len Wiseman, en þau höfðu verið par í 13 ár þegar þau bundu endi á sambandið á síðasta ári.
Wiseman hefur nú sótt um skilnað frá leikkonunni, og segir að um ósættanlegan ágreining sé að ræða, eins og fram kemur í frétt Daily Mail.
Þá er talið líklegt að þau hafi gert með sér kaupmála, en hvorki Beckinsale né Wiseman fara fram á framfærslueyri.
Hjónin áttu engin börn en Beckinsale á dóttur úr fyrra sambandi við leikarann Michael Sheen.