Ástarlíf leikkonunnar Kristen Stewart hefur lengi verið á milli tannanna á fólki, en undanfarið hefur hún verið orðuð við tónlistarkonuna St. Vincent. Sú var áður kærasta fyrirsætunnar Cara Delevingne, en upp úr slitnaði fyrir skömmu.
Frétt mbl.is: Kristen Stewart og St. Vincent nýtt par?
Stewart og St. Vincent hafa nú gengist við því að vera par, en þær mættu hönd í hönd á tískusýningu sem haldin var af Vogue í gær. Þá fóru þær einnig í sameiningu og sötruðu te á Chateau Marmont í Hollywood, eins og fram kemur í frétt Daily Mail.
Stewart átti áður í sambandi við fyrrverandi aðstoðarkonu sína, Alicia Cargile, en upp úr slitnaði í sumar.