Í gær bárust fregnir af því að söngkonan Mariah Carey og auðkýfingurinn James Packer hefðu slitið samvistir. Greint var frá því að Packer hefði þótt eyðslusemi Carey ganga úr hófi fram, auk þess sem hann var sagður ósáttur við heimildaþætti stjörnunnar.
Samkvæmt frétt Daily Mail hafa skötuhjúin ekki séð hvort annað í mánuð, eftir að hafa lent í heljarinnar erjum þar sem þau voru í fríi á Grikklandi.
Þá er því haldið fram að Packer hafi verið afbrýðisamur út í Bryan Tanaka, sem er danshöfundur og einn af dönsurunum sem starfa með Carey.
Talsmaður Carey hefur sent frá sér yfirlýsingu þar sem því er vísað á bug að eyðslusemi Carey, eða framhjáhaldi, hafi verið um að kenna.
„Mariah og James lentur í rifrildi á Grikklandi, og hafa ekki séð hvort annað síðan. Rifrildið stafaði ekki af framhjáhaldi, eða vegna óhóflegrar eyðslu Mariah.“